Labora en sintese vocal
De 2011 a 2018, me ia labora esente un amator alora esente un profesal en la domina de la sintese vocal. Plu eseta, me ia crea e usa bancos de voses par la program UTAU e alora Alter/Ego xef.
UTAU
Me ia comensa usa UTAU a la fin de 2011 con un banco de vose nion findida sur mea vose, sin nom e perdeda de tempo longa. An si no me ia conserva lo longua, xef par causa de la mal cualia de sua ajusta et sua samples audio (me ia sample con un microfon de mal cualia), acel ia educa me la fundas de la crea de bancos de voses per UTAU e labora con fixes audio.
La 14 otobre 2012, me ia publici mea du banco de vose, BSUP01 KEINE Tashi JPN VCV, un banco de vose egal findida sur mea vose e con un cualia de sua samples e de sua ajusta multe plu bon. Ma mea plu bon banco vocal per UTAU ia es BSUP01 KEINE Tashi Extend Power ce ia ave un vose plu forte cuando ia ave plu de esperia.
Esa serie de bancos de voses simil inclui BSUP01 KEINE Tashi TIB CVVC e BSUP02 Djetsün, la prima bancos de voses de la mundo ce ia pote canta en bod (ma me ia publici an nunca los).
Me ia crea en 2014 la banco de vose ALYS 001 JPN, ALYS 001 FRA e ALYS 002 FRA esente prototipos de ALYS con UTAU. Esa bancos de voses es conoseda como ALYS4UTAU.
En ce cada esa bancos oji no plu es developa e sua supporta tecnica no plu es garantiada, on pote encora descarga BSUP01 KEINE Tashi e ALYS:
- BSUP01 KEINE Tashi: BSUP01 KEINE Tashi
- ALYS: Descarga de ALYS4AE (en engles)
Alter/Ego
Alter/Ego es un motor de sintese vocal crea par Plogue Inc.. ALYS ia es la prima banco de vose comersial, como la prima vose de sintese profesal en franses crea per canta.
Par causa de la arciteta e de la condui de Alter/Ego, cambias par la senario de rejistra par ALYS (e plu tarda par LEORA) ia es nesesada. Cuando on inclui la reali de la senario, la developa de ALYS per Alter/Ego (simil conoseda como ALYS4AE) ia dura plu de un anio. La developa de la prima refresci de ALYS ia dura nove menses completinte.
On pote aora descarga ALYS4AE sin custa con un modulo de Alter/Ego de 15 desembre 2021.